Қала құрылысы бақылау басқармасының хабарлауынша, Сайын, Шаляпин, Яссауи және Жандосов көшелерінің аумағында инженерлік желілерді тартумен айналысқан "СпецСтрой Групп ЛТД" ЖШС-не жоспардан тыс тексеріс жүргізілді.
Нәтижесінде мердігер тарапынан бірқатар заңбұзушылықтар анықталды:
- траншеялардың қия беткейлері бекітілмеген;
- дымқыл топырақ қабаттап нығыздалмай қайта көмілген;
- кей учаскелерде жер асты сулары толып қалған;
- инертті материал төселмегендіктен, топырақтың тығыздығы талапқа сай болмаған.
Салдарынан жауын-шашын кезінде жол жабындысы отырып, терең шұңқырлар пайда болған.
Мердігер ұйым әкімшілік жауапқа тартылды. Сонымен қатар, анықталған кемшіліктерді 2025 жылдың 8 қазанына дейін жою туралы нұсқама берілді.
"Егер белгіленген мерзімде талаптар орындалмаса, іс сотқа жолданып, заң аясында процессуалдық шешім қабылданады", - делінген хабарламада.