Ержан Сәденов қылмыс әлеуметтік құбылыс екенін және көптеген факторларға – экономикалық, көші-қон, мәдени, демографиялық және басқа да процестерге байланысты екенін атап өтті.
"Талдау көрсеткендей, қылмыскерлердің 80%-ы жұмыссыз, үштен бірі бұрын сотталған, жеке адамға қарсы қылмыстардың 30%-ы мас күйінде жасалған", – деді ІІМ басшысы.
Оның жауабын Мәжіліс депутаты Снежанна Имашева толықтырды.
"Жыл сайын 60 мыңға жуық адам қылмыстық құқық бұзушылық жасайды, оның 85-ы ер адамдар, 15%-ы әйелдер. 93,8% немесе 56 788 адам – Қазақстан азаматтары, 2,9% немесе 1783 адам – ТМД азаматтары және шетелдіктер. Көбінесе қылмыстық құқық бұзушылықтарды 21 жастан 39 жасқа дейінгі адамдар жасайды. Осылайша, қылмыскердің әлеуметтік портреті пайда болады – бұл жоғары білімі жоқ (81%), жұмыссыз (77%), мас күйіндегі (15%) 20-40 жастағы ер адам.
Оның айтуынша, мемлекет сапалы білім беруді қамтамасыз етуге, жұмыс орындарын құруға, еңбекақы төлеуге лайықты күш-жігер жұмсауы қажет.
Бұған дейін Астанада аяқ киім ұрлаған күдікті қолға түскенін жазғанбыз.