Таратылған ақпаратқа сүйенсек, техникалық ашылу 26 қарашаға жоспарланған.
Бұл күні Сол жақ Талғар және жаңадан бастаушыларға арналған: Белый Мишка және Ак Барсик трассаларында сырғанауға болады.
"26 қараша мен 6 желтоқсан аралығында скипасстар Low Season бағасымен сатылады, ал жаңадан бастаушылар күні бойына бар болғаны 8 000 теңге болатын "Бастаушы" тарифін ала алады, ол арқылы жаңадан бастаушыларға арналған трассаларда сырғанауға болады",- делінген ақпаратта.
Курорт әкімшілігі бұл тариф тау шаңғысы мен сноубордқа алғаш қадам басқандарға немесе жаңа маусымға біртіндеп кірісіп, дағдыларын жаттықтырғысы келетіндерге сай келетіндігін айтты.
Сондай-ақ, негізгі жалға беру аумағы мен маусымдық локерлер Медеу базалық станциясына көшірілгенін еске салды. Ал, Шымбұлақ станциясында күнделікті форматта зат сақтауға арналған ұяшықтар бар.