Қауіптердің арасында әсіресе мерекелік тағамнан улану мен отшашудан жарақат алу жиі кездесіп жатады. Осыған орай, ҚР Санитариялық-эпидемиологиялық бақылау комитеті бірнеше кеңес ұсынды.
Тағамнан уланудың алдын алу
- Азық-түлік өнімдерін тек сенімді сауда орындарынан сатып алыңыз.
- Әрдайым жарамдылық мерзімін, қаптаманың бүтіндігін және сақтау шарттарын тексеріңіз.
- Таңбаланбаған немесе күмән тудыратын өнімдерді тұтынбаңыз.
- Тағам дайындау кезінде жеке гигиена ережелерін сақтаңыз.
- Дайын тағамдарды тоңазытқышта сақтап, оларды бөлме температурасында ұзақ уақыт қалдырмаңыз.
- Балаларға арналған тәтті сыйлықтардың сапасына ерекше көңіл бөліңіз.
Пиротехниканы қауіпсіз пайдалану
- Пиротехникалық бұйымдарды тек мамандандырылған дүкендерден сатып алыңыз.
- Нұсқаулықтың, сапа сертификатының және жарамдылық мерзімінің бар екеніне көз жеткізіңіз.
- Зақымдалған немесе жинақтамасы толық емес бұйымдарды қолданбаңыз.
- Фейерверктерді тек ашық алаңдарда, қауіпсіз арақашықтықты сақтай отырып және нұсқаулық талаптарына сәйкес іске қосыңыз.
- Жандырылып жатқан бұйымның үстіне еңкеймеңіз және іске қосылмаған пиротехниканы қайта жағуға әрекет жасамаңыз.
- Балаларға фейерверктерді өз бетінше қолдануға қатаң тыйым салынады.
Үсік шалу мен суық тиюдің алдын алу
- Ауа райы жағдайын ескере отырып, жылы киініңіз.
- Балалардың бас киім, қолғап (немесе биялай), шарф және жылы аяқ киім кигеніне көз жеткізіңіз.
- Суықта ұзақ болуды шектеп, жылыну үшін үзілістер жасаңыз.
- Киім мен аяқ киімнің құрғақ болуын қадағалаңыз.
- Үсіктің алғашқы белгілеріне назар аударыңыз: терінің бозаруы, шаншу, ұю сезімі.
"Қарапайым ережелерді сақтау сізге Жаңа жыл мерекелерін қауіпсіз, жайлы әрі жақындарыңыздың денсаулығына қамқорлықпен өткізуге көмектеседі. Өзіңізді және жақындарыңызды сақтаңыз!".ҚР Санитариялық-эпидемиологиялық бақылау комитеті
Бұған дейін Қазақстанда қандай мәмілелерді нотариалды куәландыру керек екенін жазғанбыз.