Болжамға сәйкес, ел аумағының басым бөлігінде солтүстік-батыс циклон және онымен байланысты атмосфералық фронтальды бөліктердің ықпалы сақталады.
"Жаңбыр мен қар, боран, көктайғақ күтіледі. Республика бойынша тұман түсіп, жел күшеюі мүмкін", – деп хабарлады "Қазгидромет" РМК баспасөз қызметі.
Сонымен қатар, Жетісу облысындағы Алакөл көлдері маңында, Түркістан облысының тау асуларында түнде және таңертең, сондай-ақ Жамбыл облысының оңтүстік-батысы мен таулы аудандарында секундына 30 метр және одан да жоғары жылдамдықпен өте күшті жел соғады деп болжанып отыр.