"Қазгидромет" РМК деректері бойынша, түнде Шығыс Қазақстан облысының солтүстігінде, шығысында -40°С-ге дейін қатты аяз болады деп күтіледі.
"Қазақстан аумағының басым бөлігі жауын-шашынсыз ашық ауа райын қамтитын антициклон ықпалында болады. Республикамыздың орталығында және оңтүстік-шығысында түнде қар, күндіз жауын-шашын (жаңбыр, қар) жауады деп күтіледі. Еліміздің оңтүстік өңірлерінде атмосфералық фронтальды бөліктердің жүруі әсерінен тұрақсыз ауа райы күтіледі: жауын-шашын, көктайғақ, боран болады", делінеді болжамда.
Сондай-ақ, республика бойынша белең алатын ортақ табиғи құбылыстарға тұман жатқызылады, ел орталығында, оңтүстік-шығыста, оңтүстікте соққан желдің екпіні 15-20 м/с, кей тұста 25-28 м/с дейін жетеді деп күтіледі.
Бұған дейін синоптиктер Алматыда тағы да қар жауатынын болжап, 26 ақпанға арналған ауа райы болжамымен бөліскен болатын.