Метеорологтардың мәліметінше, атмосфералық фронттардың өтуіне байланысты Қазақстанның солтүстік-батысы мен оңтүстігінде нөсер жаңбыр жауып, найзағай ойнайды, кей жерлерде бұршақ түсіп, дауылды жел соғады.
Елдің қалған бөлігінде ауқымды антициклонның ықпалынан жауын-шашынсыз ауа райы сақталады.
Сонымен қатар республика бойынша тұман түсіп, жел күшейеді, ал солтүстікте көктайғақ болуы мүмкін.
"Қызылорда облысының шығысында, Түркістан облысының батысы мен солтүстігінде, Жамбыл облысының орталық аудандарында, Жетісу облысының солтүстігі мен оңтүстігінде, сондай-ақ Алматы облысында өрт қаупі жоғары болады", – деп мәлімдеді "Қазгидромет" РМК баспасөз қызметі.
Еске салайық, бұған дейін "Қазгидромет" РМК мамандары 2026 жылдың сәуір айында Қазақстанда ауа райы қандай болатынын айтқан еді.