Белгілі әнші Нұржан Керменбаев енді продюсерлікпен айналыспақ. Бұл жаңалығымен әнші «Түнгі студия» бағдарламасында бөлісті, деп жазады Sn.kz.
Бағдарлама барысында Нұржан Керменбаев продюсерліктегі алғашқы жобасын көрерменге таныстырды.
«Бұл да кәсіпкерліктің бір түрі шығар. Продюсерлікті алып жүргеніме біраз болғанымен, кірісе алмай жүрдім. Сөйтіп BN тобының продюсері Еркебұлан Молдашевпен бірігіп, Нұрман Арыстан және Шоқан Уәлихан деген жігіттерді қазақ өнеріне алып шықсақ деп ойладық. Олардың көздерінен отты көремін», – дейді Нұржан Керменбаев.
Өзінің айтуынша, ол қатал продюсер болмайды екен.