Шығыс Қазақстандағы ұлттық табиғи қорықтарда сирек кездесетін түз тағысы бой көрсетіп жүр. Олардың жайылып, қорек іздеп жүрген сәттері қорықшылар құрған фото тұзақтарға түсіп қалған, деп хабарлайды "Хабар-24"
Біраз күн бұрын Марқакөл қорығында сусардың бір түрі - құнудың ізі байқалған. Ал жақында Қатонқарағайдағы Сарымсақты жотасынан өте сирек кездесетін құдыр бейнетаспаға ілікті.
Қорықшылар биылғы қыста қар қалың болғанымен үскірік аязды күндер аз болғанын айтады. Сондықтан жабайы аңдар мен жануарлардың өсіп-өнуі үшін жайлы болды деп есептейді.