Мемлекет басшысының өкімімен Бақытжан Берікбайұлы Темірболат Қазақстан Республикасы Мәдениет және спорт министрлігінің жауапты хатшысы қызметінен босатылды, деп хабарлайды zakon.kz.
Темірболат Бақытжан 1972 жылғы 10 желтоқсанда дүниеге келген.
Білімі, білігі, мамандығы: әл-Фараби атындағы Қазақ ұлттық университетін Саясаттану мамандығы бойынша тәмамдаған (1998 жылы, аспирантура 2000 жылы)
Саясаттану ғылымдарының кандидаты, кандидаттықты "Мемлекеттік басқару жүйесіндегі мүдделердің саяси ұстанымы: эволюция және қазіргі заман (Қазақстан Республикасының мысалында)" тақырыбында қорғаған (2010 жылы)
Еңбек өтілі:
2000 жылы Қазақстан Республикасы Президентінің Әкімшілігіне жұмысқа шақырылып, Ішкі саясат бөлімінде, Ақпараттық-талдау орталығында, Қауіпсіздік Кеңесі хатшылығында консультант, бас сарапшы, сектор меңгерушісі, бас инспектор лауазымдарында қызмет етті.
2007-2018 жылдары Қазақстан Республикасы Президентінің Кеңсесі бастығының орынбасары болып қызмет атқарды.
2018-2019 жылдары Қазақстан Республикасы Президентінің Әкімшілігі Жалпы бөлімінің меңгерушісі лауазымын атқарды.
2019 жылғы шілдеде Қазақстан Республикасы Мәдениет және спорт министрлігінің жауапты хатшысы болып жұмыс істеді.