Димаш Құдайберген өз шығармашылығын әрі дамыта түсу үшін АҚШ-қа көшіп баруға ниетті, деп хабарлайды zakon.kz.
Бұл туралы әнші MTV USA телеарнасына берген екінші сұқбатында айтып қалған. Димаш бұл сұқбатынан үзіндіні Instagram парақшасында да жариялады.
Оның айтуынша, АҚШ музыкалық бизнестің нағыз бұрқ-сарқ қайнаған ортасы.
Димаш атап өткендей, оған ең жайлы орын, әрине отбасының жанында болғаны. Оның айтқанын түсінгеніміздей, онымен бірге Америкаға ата-анасы да барады, бірақ олар туыстарының қасында болу үшін Қазақстанға жиі келіп тұратын болады.
