Бүгін ең танымал қазақстандық әнші әрі мега жұлдыз Димаш Құдайберген 27 жасқа толды, деп хабарлайды zakon.kz.
Димаштың бүкіл әлемдегі жанкүйерлері 24 мамырды Димаш күні деп жариялауды ұсынды. Осылайша әр мемлекет Димаштың туған күнін тойлауға ниетті. Ал Боливия мұны бастап та кетті.
Боливия астанасы Лапас қаласы көшелерінің бойындағы цифрлық жарнамалық тақтайшаларда бүгін Димаштың туған күні екенін еске салатын әрі туған күнімен құттықтайтын жүгіртпе жолақтар зырылдап жүгіріп жатыр. Сондай-ақ көшедегі үлкен Led экрандардан Димаштың орындауындағы ән берілуде.
Пандемия болғандықтан, шетелдік құттықтау шарасы осындай сипатпен шектелуде екендігі, өкінішпен айтылады.