Кезінде Қазақстанның бас мүфтиі болған Әбсаттар қажы Дербісәлі ауруханаға түсті. Қажының хәлі ауыр делінеді, деп хабарлайды zakon.kz.
Суыт хабарды ҚМБД баспасөз хатшысы Ағабек Қонарбайұлы хабарлады.
"Мүфтиятты он жылдан астам басқарған, ғұмырын білім мен ғылымға арнаған Әбсаттар қажы Дербісәлі ауыр хәлде жансақтау бөліміне түсіпті... "Достан – дұға" дегендей, Алладан шипа тілеп қойсаңыздар. Алла Тағала барша науқас жандардың дертіне шипа бергей. Сынақты сәттен аман-есен өтуді нәсіп еткей", деп жазды ол Facebook-тегі парақшасында.
Айта кетсек, Әбсаттар Бағысбайұлы Дербісәлі (15 қыркүйек 1947 жылы туған, Түркістан облысы Түлкібас ауданы) – шығыстанушы, дінтанушы, әдебиет зерттеуші, жазушы, сыншы, филология ғылымдарының докторы, 1-сыныпты кеңесші, дипломатиялық лауазым иесі.
