Instagram-дағы парақшасында Димаш отандастарын мәртебелі додаға Қазақстан атынан түсіп жатқан 11 жастағы Линар Хамзин мен 8 жасар Бекнұр Жәнібекұлына дауыс беруге шақырды.
Жас таланттарымызға қалай дауыс береміз? Ол үшін Junioreurovision.tv сайтына кіріп, барлық қатысушылардың қысқаша бейнеролигін қарап, соның ішінде Әлинұр Хамзин мен Бекнұр Жәнібекұлын және тағы екі өнерпазды таңдаңыз. Димаш Құдайберген
Айта кетелік, биыл Париждің төрінде өтетін «Junior Eurovision» халықаралық ән байқауында Әлинұр Хамзин және Бекнұр Жәнібекұлы «Ертегі әлемі» әнін шырқап, еліміздің намысын қорғайтын болады. Олар сахнаға 10-ыншы нөмірде шығады.
Байқаудың ақтық сыны 19 желтоқсанда өтеді.
Францияның астанасынан тікелей көрсетілімді 19 желтоқсан күні 21:00-де «Хабар» арнасынан тамашалай аласыздар.
