Димаш Құдайберген өз тыңдарманын әр елдерде болатын ән кешіне шақырып жүр. Концерттің қай елде, қандай аренада, қашан болатынын әнші өзінің Instagram-дағы парақшасына жариялайды.
Димаш Құдайберген 25 наурызда Дубайдағы Coca Cola Arena-да жеке ән кешін өткізсе, 2 сәуір күні Минскіде концерт берді. Ал жақында 9 сәуір күні әнші Германияның Дюссельдорф қаласында концерт беріп, жанкүйерлерінің ыстық ықыласына бөленді. Германиядағы жанкүйерлер әншіні әуежайда күтіп алды.
Енді Димаш Құдайберген өз тыңдарманын 16 сәуір күні Чехияда, Прага қаласындағы жеке ән кешіне шақырып жатыр. Бұл туралы Димаш Instagram-дағы парақшасында хабарлады. Прагадағы концертке, жанкүйерлермен қайта қауышуға бір күн қалды.
Чехия. Прага. Концертке бір күн қалды, - делінген хабарламада.