Бүгін, 30 мамыр, Нұр-Сұлтан уақыты бойынша сағат 18:00-де, сіздерді Димаш Құдайбергеннің ресми YouTube-каналында өтетін «О'кей» бейнебаянының премьерасына шақырамыз, – деп жазды әншінің Instagram-дағы Dimash.news жаңалықтар парақшасы.
Бейнебаянның тизерінен байқауымызша, онда 1937 жылғы оқиға көрсетіледі. Басты кейіпкерлердің бірі – әншінің өзі. Еске сала кетейік, Димаштың «О'кей» әні 24 мамырда барлық музыкалық платформаларда қол жетімді болған еді.
Айта кетейік, сонымен қатар Димаш Құдайберген баршаны Айсұлтан Сейітовтің фильмін қолдауға шақырды. Бірер күн бұрын қазақстандық режиссер Айсұлтан Сейітов жаңа толықметражды «Қаш» фильмінің тизерін жариялады. Бұл тизерді Димаш Құдайберген де өз парақшасына бөлісіп, қолдау білдірді.