Жаңаарқа ауданы әкімдігі баспасөз қызметінің хабарлауынша, мүшәйрада ақындар екі тақырып бойынша өз туындыларын оқыды. Байқаудың алғашқы кезеңінде ақындар Ақселеу Сейдімбектің өмірі мен өнегесін өлеңмен өрсе, келесі кезеңде еркін тақырыпта жазылған шығармаларын ұсынды.
Мүшайра жеңімпаздары диплом және ақшалай сыйақылармен, бағалы сыйлықтармен марапатталды.
Бас жүлде - 500 мың теңгені Ақтөбе облысынан келген ақын Азамат Әбілқайыр еншіледі. I орын - 250 мың теңгені Нұр-Сұлтан қаласынан келген Жәнібек Әлиман иеленді; II орын - 200 мың теңге Нұр-Сұлтанның ақыны Алма Ақылбайқызына бұйырды; ІІІ орын - 150 мың теңгеден түркістандық Батырхан Сәрсенхан мен қарағандылық Жәлел Қуандықұлы жеңіп алды.
Сонымен қатар, 4 ақын сайыстың арнайы жүлделеріне ие болды. Олардың әрқайсысы 75 мың теңгеден олжалы болды. Мүшәйра жеңімпаздарын аудан әкімі Юржан Асанұлы марапаттап, жастарға шығармашылық табыс тіледі.
