ҚР ҚК 293-бабы 1-бөлігі бойынша Төреғалиға қатысты бұрын СДТБТ-да тіркелген қылмыстық істе тараптар татуласты. Нәтижесінде қылмыстық іс бойынша тергеу тараптардың татуласуына байланысты тоқтатылды, - деп хабарлады полициядағылар.
Департаменттегілер ҚР Қылмыстық және қылмыстық іс жүргізу заңнамасының нормаларына сәйкес, кісі өлімінен басқа аса ауыр емес немесе орташаға жататын қылмыс жасаған адам, егер жәбірленушімен татуласса және келтірілген зиянды өтесе, қылмыстық жауапкершіліктен босатылуға жататынын атап өтті.
Айта кетсек, бүгін әнші Төреғали Төреәлі желіде Бекарыс бауырымен бір мәмілеге келгенін жазды.