"Хабар 24" арнасының мәліметінше, көрмеге белгілі журналистің эфирде киген киімдері, жұмыс үстеліндегі бұйымдары, қолжазбалары, мемлекеттік наградалары, әр жылдары түскен фотосуреттері, 200-ге тарта пайдаланған заттары қойылған. Семейліктер көшпелі көрмені қараша айының соңына дейін тамашалай алады.
Бұл қаланың Нұртілеу Иманғалиұлының шығармашылығына қатысы көп болды. Әр хабарында ұлы Абайға, оның қара сөздеріне жүгінетін. Кез келген хабарын Абаймен тұжырымдап отыратын. Көрменің мақсаты Нұртілеу Иманғалиұлының өмірі мен шығармашылығын жас журналистерге таныстыру үшін республиканы аралап жүрміз. Нұртілеу Иманғалиұлының жары Қарлығаш Табылдинова
Айта кетсек, қазақ телевизиясының ардагері Нұртілеу Иманғалиұлы 70 жасқа қараған шағында 2021 жылы 17 ақпанда өмірден өтті.
Нұртілеу Иманғалиұлы "Құрдастар", "Жастар дауысы", "Арай", "Жадыңда ма, жолдас", "Айна", "Жас жігер", "Бетпе-бет", "Қолтаңба", "Діңгек", "Көршілер", "Заң сөйлесін", "Nur-Tiley" авторлық бағдарламалары арқылы қалың көрермен есінде.