Саналы ғұмырын қасиетті сахнаға арнаған әйгілі сықақшыны қалың ел қимастықпен өзі еңбек жолын бастаған киелі сахнадан шығарды. Халықаралық Алаш әдеби сыйлығының, Парасат орденінің иегері 73 жасқа қараған шағында дүниеден озды. Жиылған жұрт марқұмның отбасы мен жақындарына көңіл айтып, естеліктерімен бөлісті, деп хабарлайды Astana.tv.
Бүгін қазақ әдебиеті үлкен қазаға ұшырады. Бұл Көпен деген есім сонау Асқар Тоқманбетов, Оспанхан Әубәкіров сияқты ұлы сатириктердің соңғы тұяғы еді. ҚР Жазушылар одағы төрағасының орынбасары Мереке Құлкенов
Айта кетсек, 9 қарашада танымал сатирик, журналист Көпен Әмірбек 72 жасынан асқан шағында өмірден өтті. Ол бүкіл ғұмырын сатираға арнаған тұлға. "АраШмель" және "Ара.кз" журналы, "Қазақ әдебиеті", "Егемен Қазақстан" және "Айқын" газеттерінде талмай еңбек етті. "Қазақстан" ұлттық арнасында, "Хабарда", "Тамаша" ойын-сауық отауында оның туындылары жиі ұсынылып келді.
