Бұл туралы Мәдениет және ақпарат министрлігі хабарлады.
Алмас Бекбосынов Иван Надировтың "Көктем" ұлттық балетінде Айдар рөлін сомдады. Талантты әртіс "Қыз Жібек", "Жалбыр", "Абай", "Біржан мен Сара" операларында да би нөмірлерін орындады. Балет ұжымымен бірге АҚШ-қа гастрольдік сапармен барды.
Алмас Бекбосынов еліміздегі балет өнерінің дамуына орасан зор үлес қосты. Сол үшін "Знак Почета" орденімен марапатталды. Оның еңбек жолы мен жетістіктері жас әртістерді шығармашылық өсуге әлі де шабыттандырып келеді.
