Оның айтуынша, оны қылмыстық топты қаржыландыру, сондай-ақ бопсалау күдігі бойынша ұстаған.
"Менің ешқандай бопсалауға және жалпы ОПГ-ге де ешқандай қатысым жоқ. Маған жамандық тілейтіндердің барлығына мен екі есе жақсылық тілеймін... Қалай болғанда да, бұл менің жақындарым үшін үлкен сабақ және стресс, мұны ешкімнің басына бермесін",-деп жазды Әлихан Байзақов өзінің ұсталуының кадрларын жариялап.
Сондай-ақ, ол өзінің адвокаттарына ерекше алғыс білдірді.
Айтпақшы, жазылушылардың көпшілігі блогердің бұл әрекетін "пранк" немесе "қара пиар" деп атап жатыр.
- Енді сәл болмағанда сеніп қала жаздадым;
- Адвокаттарды әлі бұлай ешкім жарнамаламаған;
- Ұсталу сәтіңе де мобилограф жалдап қойыппа едің?
Ал, Айжаннан оқырмандары інісіне қатысты болған жайт туралы неге түсініктеме бермейтінін сұрады.
"Не деп түсініктеме беруім қажет?! Біз сол күні қатты стресске түстік. Мен барлығын бейнеқоңырау арқылы көрдім. Енді ғана өз-өзіме келгендеймін. Бірақ сіздер уайымдамаңыздар, қазір бәрі бірқалыпты. Жақсы болмаған жағдайда ол оқырмандарымен байланысқа да шыға алмайтын еді". Айжан Байзақова
Сурет: Instagram/bayzakova
