Бұл туралы бүгін, 3 қыркүйекте жұбайы мәлімдеді.
"Қымбатты достар, бүгін біздің Әзиз өмір жолын аяқтады. Сағат 01:45-те №7 Қалалық клиникалық ауруханада жансақтау бөлімінде көз жұмды. Оның жолы жарқын болды. Біз жетім қалдық. Оған бәрі үшін рахмет", — деп жазды ол.
Әзизжан Заиров-режиссер, продюсер, сценарист, қоюшы-режиссер, қоғам қайраткері, "100 жаңа тұлға" жобасының жеңімпазы.
Ол ерекше тағдыр иесі еді. Балалар үйінде өсті, 12 жасында екінші топтағы мүгедектікке ұшырады, көшеде түнеді, аштыққа ұшырады, бірақ уақыт өте өз өмірін қолына алды. Нәтижесінде ол жақсылық пен махаббатты үйрететін өмірлік фильмдер түсірді.
Оның "Мама, я живая!" Канн фестивалінде Жібек жолы елдерінің фильмдерінің Гран-приін жеңіп алды. Бұл картина режиссер Мұхамед Мамырбековпен бірге түсірілген "Безграничные возможности" трилогиясының бір бөлігі болды.
Оның тағы бір әлеуметтік тақырыптағы туындысы "Девушка и море" Барселонадағы Asian film фестивалінде "Үздік фильм" сыйлығын жеңіп алды.
