Бұл туралы әнші 28 қарашада Instagram-дағы ресми аккаунтында хабарлады.
"Құрметті Бибігүл Ахметқызы! Күні кеше алған кезекті марапатымды алдағы келе жатқан 95 жылдық мерейтойыңыздың қарсаңында, сіздің құрметіңізге арнауға рұқсат етіңіз. Жастайымнан сіздің жоғары дәрежедегі өнеріңізге сусындап өсіп, сіздің аналық, ұстаздық өсиеттеріңіз бен батаңыздың арқасында қазіргі күні азды көпті жетістіктерге қол жеткізіп келемін. Құрметті жерлестер! Шын жүректен барлық құттықтауларыңызға көп рахмет айтқым келеді. Еліміз аман,жұртымыз тыныш болсын!",- деп жазды ол.
Айта кетейік, 28 қарашада Димаш Құдайберген Дубайда (БАӘ) DIAFA сыйлығын алды.
Сондай-ақ, 18 қарашада Бибігүл Төлегенова 95 жасын "Астана Опера" сахнасында атап өтті.