Жұлдызды отбасымен түскен суреттерін 2024 жылдың 27 желтоқсанында Instagram-дағы парақшасында жариялады. Суреттен қара көйлек киіп тұрған Есмаханның іші дөңгеленіп қалғанын байқауға болады.
Жұлдызды жұп екі ұлы - Мүсілім мен Исламмен бірге суретке түскен.
"Маған қазақтың санын, Райымбектің ұрпағын көбейту бұйырыпты. "Ерке Сотуардың" тілегі бірінші өзіме жұғысты болды ғой. Алла тіл-көзден сақтасын. Әр отбасында сәбидің күлкісі естілсін", деп жазды әнші сурет қасына.
Желідегі қауым жұлдызды отбасыға амандық тілеп, ізгі-тілектер жаудырды.
"Сол, қызыл толстовка кигеннен сезіп едім, аман-есен жаныныз қалып, бөпелі болыңыздар", деп жазды желідегілердің бірі өз болжамы дөп шыққанына қуанып.