Қазақстанға алғаш рет келген жұлдыздың концертінде стадион лық толды – көрермендер шоу басталмай жатып трибуна мен фан-зонаны толтырып үлгерген.
Әлеуметтік желілерде кеңінен тараған кадрлардан көрермендердің әнші сахнаға шыққанда айқайлап, қошемет көрсеткенін байқауға болады. Би нөмірлері, жарықтар, арнайы эффектілер мен танымал хиттер – Джей Ло Астанада нағыз музыкалық шоу ұйымдастырды.
Айта кетейік, 2025 жылдың 8 шілдесінен бастап Дженнифер Лопес кейінгі алты жылдағы алғашқы турын бастаған. Up All Night бағдарламасы аясында Джей Ло Астанада (1 тамыз) және Алматыда (10 тамыз) концерт береді.