Кеше 40 жастағы "Қайда?" әнімен танылған Ерке Есмахан Instagram парақшасында бірқатар отбасылық суреттерін жариялап, сонымен бірге жұбайының жаңа әні мен бейнебаяны жарық көргенін айтты.
"Алдарыңызда Райымбектің отбасы. Күйеуімнің жаңа бейнебаянын қарап, әнін тыңдаған боларсыздар. Ұлдарымыздың жарық жүздерін көріп, бізге тілек жазып, жанұямызға жылы сөздерін жаудырып жатқан сіздерге шексіз алғыс айтамыз. Барлығы үшін Аллаға сансыз шүкір! Баршаңызға тек жақсылық тілейміз! Бақытты, бай, қуатты болыңыздар!", - деп жазды Ерке.
Әнші жазбада клиптің сілтемесін де бөлісті.
Желі қолданушылары ортаншы ұлдың кімге ұқсайтынын қызу талқылап, көпшілігі Ислам әкесіне қатты ұқсайтынын жазды.
Еске салайық, Raim 2025 жылғы 16 маусымда жұбайы, әнші Ерке Есмаханның перзентханадан шыққан сәтінен суреттерді жариялаған еді.