Әншінің Instagram парақшасындағы ақпаратқа сәйкес, турдың алғашқы бөлімі "Үнемі өзгерісте. Үнемі шынайы" деп аталады.
Жоба мына тақырыптарға арналған:
- Димаштың ішкі әлемі;
- өзін-өзі тану;
- тұлғалық қырларын қабылдау.
Ал концепцияның негізгі түсі — қою қызыл.
"Композицияның ортасында Димаштың бейнесі орналасқан. Оның айналасында әртүрлі образдар бар. Олар әншінің шығармашылық жолындағы түрлі кезеңдері мен көңіл күйін бейнелейді", — делінген сипаттамада.
Сурет: Instagram/kudaibergenov.dimash
Шеңбер түріндегі композиция адамның ішкі әлеміне бағытталған тұйық визуалды циклді білдіреді.
"Яғни DIMENSIONS — уақыт пен кеңістікті шарлау емес, адамның өз болмысымен бетпе-бет келіп, өзін толық қабылдайтын ішкі жолы", – дейді әншінің командасы.
Қазақстандық әншінің әлемдік туры 18 қазанда Польшаның Краков қаласында басталады.
Сурет: Instagram/kudaibergenov.dimash
Осылайша, Димаштың 29 тамызда Қарағандыда өтетін мерекелік концерттегі өнер көрсетуі әлемдік тур алдындағы Қазақстан сахнасындағы соңғы концерті болуы мүмкін.