5 мамыр күні Астанада №61 мектептен өрт шықты, деп хабарлайды Zakon.kz.
"5 мамыр күні сағат 13.56-да Сарыарқа ауданы, Конституция 33 мекенжайында орналасқан №61 орта мектебінің бірінші қабатында өрт шығып, 10 шаршы метр жерде жиһаз өртенген. Өрт 14.10 кезінде ауыздықталып, 14.11-де сөндірілді. Өрт сөндірушілер келгенше мектеп әкімшілігі екі мыңдай адамды ғимараттан шығарған, дені — балалар", — деп хабарлайды Қазақстанның төтенше жағдайлар жөніндегі комитеттің баспасөз қызметі.
Зардап шеккендер туралы ешқандай ақпарат түскен жоқ. Өрттің шығу себебі анықталуда.
Өрт сөндірілген соң бір сағаттан кейін балалар мектепке оралған.
Оқиға орнында дәрігерлер кезекшілік етуде.