Шымкентте 16 жастағы жасөспірім көпқабатты үйдің шатырынан құлап, мерт болды, деп хабарлайды ҚазАқпарат тілшісі.
Облыстық ІІД баспасөз қызметінің мәліметінше, қайғылы оқиға 7 мамыр күні Шымкент қаласының Абай ауданында болған. 10-шы сынып оқушысы тоғыз қабатты үйдің шатырынанан құлап, жантәсілім етті. Қазір полицейлер жасөспірімнің не себепті мұндай қадамға барғанын тексеріп жатыр.
«Қазір тергеп-тексеру жұмыстары жүргізілуде. Қылмыстық іс әзірге қозғалған жоқ. Қалған ақпарат тергеуден кейін белгілі болады», - деді ІІД баспасөз қызметінің жетекшісі Салтанат Қарагөзова.