Алматыда бес қабатты тұрғын үйдің бірінші қабатында орналасқан шаштараз өртенді, деп хабарлайды Stan.kz қалалық ТЖД баспасөз қызметіне сілтеме жасап.
Өрт Әуезов ауданы, Саин көшесінің бойында орналасқан 14/1 тұрғын үйінде болды. Алдын ала ақпарат бойынша, өрт шаштараз орналасқан тұрғын үй ғимаратының 1 қабатында басталған. Өрт аумағы 20 шаршы метрді құрады.
«21: 24-те кіре берісте түтін пайда болғаны туралы хабар келді. Алғашқы өрт сөндірушілер 9 минут ішінде аталған мекен-жайға келді. Өрт сөндірушілер келген сәтте 5 қабатты тұрғын үйдің бірінші қабатында орналасқан «Арай» шаштаразы өртеніп жатыр екен. Қою түтіннің салдарынан жоғарғы қабатта тұратын тұрғындар эвакуация жолын пайдалана алмаған. Өрт оқиғасы кезінде 81 адам құтқарылды. Оның 16-сы – балалар. Жоғарғы қабаттағы тұрғындарды механизацияландырылған автосатылармен құтқару шаралары ұйымдастырылды», – деді Алматы қаласы ТЖД баспасөз қызметі.