Оралдық 8 жасар бала осымен үшінші көлікті ұрлап кетті деп жазады Sn.kz.
Ол бұл жолы Hyundai автокөлігін ұрлап кеткен. Көлікті Штыбы көшесінің жөндеу учаскесінде орнатылған «бетон блоктарға» соққан. Себебі, бала бойы аласа болғандықтан жолды көре алмайды екен.
«Бұл бала бірінші рет көлік ұрлап тұрған жоқ. Қазіргі таңда автомобиль иесінің кім екені анықталып жатыр. Эвакуатор шақырылды. Оқиға орнына жасөспірімдер ісі жөніндегі полиция қызметкерлері келді. Олар баланы үйіне алып барады», – дейді тергеуші.
Еске сала кетейік, 8 жасар бала 6 тамыз күні бір, 9 тамыз күні екінші рет көлік ұрлап, жол апатын жасаған болатын.