10 наурыздан 11-не қараған түні Шымкенттегі түнгі клубтардың бірінде төбелес болды, деп хабарлайды Zakon.kz Otyrar.kz басылымына сілтеме жасап.
Бейнетаспаға түсірген куәгерлердің айтуынша айқай шу және жылаған дауыстарды естіген.
"Әл-Фараби аудандық ІІБ-нің "102" телефонына қоңырау түскен. Осы қоңырау бойынша полицияның жедел-тергеу тобы сол жерге жедел жетті. Төбелес кезінде клуб қызметкерлерінің біреуі жарақат алғаны анықталды. Түркістан облысының тұрғыны қылмыс жасады деген күдікпен қамауға алынып, тергеу амалдары жүргізілуде", - деп хабарлап отыр Шымкент қалалық Полиция департаментінің өкілдері.
Оқиғаға байланысты ҚР ҚК-нің 293-бабы (бұзақылық) бойынша қылмыстық іс қозғалды. Алдын ала тергеу амалдары жүргізіліп жатыр.
