Үш жігіт биылғы қаңтар мен наурыз айларының аралығында аталған аймақтың сегіз елді мекенінде әрекет етіпті, деп хабарлайды Zakon.kz kolesa.kz-ке сілтеме жасап..
Бүгінде олардың 40 ұрлыққа қатысы бары дәлелденгенін Алматы облыстық полиция департаментінің баспасөз қызметі хабарлады.
Тәртіп сақшыларының айтуынша, тергеу барысында ұрланған аккумуляторды қабылдап отырған Алматы қаласының Алатау ауданында орналасқан бес орын анықталыпты. Қолды болған бөлшектердің басым бөлігі табылып, тәркіленіп, заңды иелеріне қайтарылған.
Қазір бөтеннің мүлкіне қол салғандар тергеу изоляторына жабылып, осы тектес өзге де қылмыстарға қатысы бар-жоғы анықталуда. Сонымен қатар, із кесушілер ұрланған бөлшектерді сатып алып отырған қабылдау орындарының қызметкерлерін де қылмыстық жауапкершілікке тартпақ.
Осы орайда мәжіліс депутаттарының жеке тұлғалардың қабылдау орындарына түсті металл өткізуіне тыйым салуды ұсынғанын айта кетейік.