Ақтөбе облысында күзет фирмасының қызметкерлерін тасымалдаған "ПАЗ" автобусы "Урал" су тасығыш көлігімен қақтығысқан, деп хабарлайды Zakon.kz өңірлік Полиция департаментінің баспасөз қызметіне сілтеме жасап.
Ведомствоның хабарлауынша, автобус пен жүк көлігінің қатысуымен адам өліміне әкеп соқтыған жол апаты таңғы сағат сегіздер шамасында Мұғалжар ауданындағы "Жаңажол-Солтүстік трува" тас жолында орын алған.
-Күзет фирмасының қызметкерлерін тасымалдаған "ПАЗ" автобусы "Урал" су тасығыш көлігімен қақтығысқан. ЖКО нәтижесінде автобус жүргізушісі мен екі жолаушы оқиға орнында тіл тарпай кеткен, тағы тоғыз жолаушы мен Уралдың жүргізушісі аурухана төсегіне таңылды, - деп атап өтті Ақтөбе облыстық ПД баспасөз қызметі.
ЖКО себеп-салдары анықталып жатыр.