Ақтөбе облысы криминалды полициясының қызметкерлері жедел іздестіру шараларының барысында орнықты қылмыстық топтың мүшесі 32 жастағы ер адамды ұстады. Ол бұған дейін тонау, қарақшылы және бұзақылық бойынша үш рет сотты болған екен, деп хабарлайды Zakon.kz облыстық ПД баспасөз қызметіне сілтеме жасап.
- Күдікті бопсалаушылық жасағаны үшін 2018 жылдан бері халықаралық іздеуде жүрген. Ол сыбайластарымен бірге қорқыту және зорлық көрсету арқылы жеке кәсіпкерден аса ірі көлемде 43,5 млн теңге бопсалаған, - деді полиция өкілдері.
Бопсалау бойынша сыбайластар, тергеу изоляторында отырғандарға қатысты қозғалған қылмыстық іс ағымдағы жылдың ақпан айында сотқа жіберілген.