10 сәуір күні түнде Алматы—Нұр-Сұлтан автожолының 109 шақырымында Daewoo Gentra және Mitsubishi Galant автокөліктері қақтығысты, деп хабарлайды Zakon.kz тілшісі.
Алдын ала болжам бойынша, Mitsubishi солтүстік бағытта Нұр-Сұлтанға қарай кетіп бара жатқан, ал Daewoo оңтүстікке - Алматыға бағыт алған.
Әзірге белгісіз себептермен Daewoo жүргізушісі жолдың қарсы бағытына шығып кеткен. Mitsubishi-ді тізгіндеген жүргізуші қақтығыстан қашпақ болып, тежегішке басады, бірақ үлгере алмайды. Автокөліктер бетпе-бет соқтығысқан.
Daewoo жүргізушісі оқиға орнында қаза тапты. Ал Mitsubishi автокөлігінде бүтін бір отбасы келе жатқан. Олардың барлығы тексерістен өту үшін жақын маңдағы ауруханаға жеткізілді.
Жол апатының мән-жайын жол полициясының қызметкрелері анықтап жатыр.