22 сәуір күні сағат 11:39 Алматы қаласы ТЖД "101" пульт нөміріне қаланың Әуезов ауданында, Райымбек даңғылында орналасқан "KazMart-1" ЖШС аумағында тұрған ГАЗель автокөлігінің өртеніп жатқаны жайлы хабар түскен, деп хабарлайды Zakon.kz ҚР ІІМ ТЖК баспасөз қызметіне сілтеме жасап.
- Жалын шарпыған аумақ 6 шаршы метрді құрап отыр. Өрт 11:50 ауыздықталып, 11:54 минутта толықтай сөндірілді. ТЖ нәтижесінде 1970 жылы туған жүргізушінің беті күйіп қалған. Жедел жәрдем бригадасының тексерісінен соң оған ауруханаға барудың қажеті болмаған, - деп хабарлады ведомствоның баспасөз қызметі.
Өртті сөндіруге Алматы қаласы ТЖД жеке құрамның 9 маманы мен 3 өрт сөндіру техникасы жұмылдырылды.
