"Құқықтық тәртіп" республикалық жедел алдын алу іс-шарасы барысында Алматы облысының тәртіп сақшылары кезекшілік тәулік ішінде есірткі заттарының заңсыз айналымына қатысы бар 7 күдіктіні анықтады, деп хабарлайды Zakon.kz.
"Арнайы рейд барысында бір күн ішінде есірткінің заңсыз айналысына қатысы бар жеті тұлға анықталды. Олардан марихуана және гашиш сынды есірткі тәркіленді. Аталған деректер бойынша қолданыстағы заңнамаға сәйкес сотқа дейінгі тергеу амалдары жүргізілуде",- деп хабарлап отыр облыстық полицияның баспасөз қызметі.
Ведомство өкілдерінің айтуынша, жыл басынан бері Есірткі бизнесіне қарсы күрес қызметі облыс аумағында есірткі сатуды кәсіп қылған 20 астам қылмыскерді анықтап, жолын кесті. Заңсыз айналымнан тәркіленген әртүрлі есірткі заттарының жалпы салмағы шамамен 350 килограмды құраған.
