Талдықорғанда Subaru Forester жүргізушісі кішкентай екі баланы жетектеген әйелді қағып кетті. Олар жүргінші жолағымен жолдан өтпек болған, деп хабарлайды Zakon.kz Алматы облыстық полиция департаментінің баспасөз қызметіне сілтеме жасап.
Оқиға 1 мамыр күні кешкісін Ілияс Жансүгіров көшесінде орын алды. Зардап шеккен – 42 жастағы әйел мен 8 және 5 жастағы екі бала. Ал 54 жастағы жүргізуші масаң күйде болып шықты, ол полицияға жеткізілді. Кейін анықталғандай, ол тіпті жалған нөмірмен заңсыз жүрген екен.
– Жүргізуші 2017 жылы көлік рөлінде мас күйінде ұсталып, жүргізуші куәлігінен айырылған болып шықты. Ал астындағы көлігі Қырғызстаннан әкелініп, жалған нөмірмен жүрген екен. Бұл фактіге байланысты қылмыстық іс қозғалды, – деп хабарлады облыстық ПД баспасөз қызметі.
