12 мамыр күні таңертең "Алматы-Бішкек" тас жолының 109 шақырымында Lada және Toyota Camry автокөліктірі қатысқан жол апаты болды. Оқиға нәтижесінде 9 адам қаза тапты, оның үшеуі әйел адам, деп хабарлайды Zakon.kz Алматы облысы Полиция департаментінің баспасөз қызметіне сілтеме жасап.
- Қаза тапқандардың кім екендіктері анықталды. Марқұм болғандар Алматы, Шымкент, Түркістан және Алматы облыстарының тұрғындары болып шықты. Алдын ала мәлімет бойынша, Lada-ның жүргізушісі көлік тізгініне ие бола алмай жолдың қарсы жолағына шығып кетіп, шетелдік көлікпен бетпе-бет қақтығысқан. Қазіргі таңда ЖКО дерегіне қатысты қажетті сараптамалар тағайындалып, ҚР ҚК 345 бабының 4 бөліміне сәйкес сотқа дейінгі тергеу амалдары басталды, - деп хабарлап отыр Алматы облысы ПД баспасөз қызметі.
Ведомстводағылар ЖКО қатысты тергеу жұмыстарының қатаң бақылауға алынып, өндірістің облыстық Полиция департаментінде екендігін атап өтті.