Дәрігерлер Алматыда манипулятордың құлауы нәтижесінде жапа шеккен жаяу адамдардың жарақаттары жайлы айтып берді, деп хабарлайды Zakon.kz.
- Үш науқас та өте ауыр жағдаймен түсті. Барлық қажетті зертханалық-диагностикалық зерттеулер шұғыл түрде жасалды. Сонымен қатар басқа да жедел шаралар жүргізілді. Олар көптеген жарақаттар алған, - деді қалалық Қоғамдық денсаулық сақтау басқармасының баспасөз қызметі.
Қазіргі таңда жапа шеккендер жан сақтау бөлімшесінде жатыр, олар жасанды тыныс алу аппаратына қосылған.
Оқыс оқиға Әйгерім 1 ы/а орын алған болатын. Куәгер манипулятордың үш жаяу адамды сүріп өткенін хабарлады. Ал басқа мәліметтер бойынша, құрылғыны ұстап тұратын тіреуіштер ағытылып кетіп, нәтижесінде үш әйелдің денсаулығына зақым келтірген.