Әлеуметтік желіде арнайы операциядан кейінгі Атамбаевтың сарайы қандай күйге түскенін суреттейтін видео жарияланды, деп хабарлайды Zakon.kz.
Видеоны Kaktus.Media жариялады. Одан үй қабырғасының қан-жоса болғанын, сол секілді Атамбаевтың жаралы жақтастарын көруге болады. Қарша бораған өрт салтанатты үйдің барлық жерін тесіп өткенін де аңғару қиын емес.
Оқи отырыңыз: Қазақ – көтеріле салатын қырғыз емес. Біз әліптің артып бағып, күтіп отырмыз
Айта кетсек, 7 тамызда Қой-Ташта Қырғыз Республикасының бұрынғы президенті Алмазбек Атамбаевты ұстау бойынша арнайы операция жүргізілді. Атамбаевтың үйіне арнайы қызметтің сарбаздары баса-көктеп кірді. Бірақ олар қарсылыққа ұшырады. Арнайы қызмет сарбаздарын Атамбаевтың жақтастары қарсы алды. Олар таспен атысқан. Салдарынан бір адам қаза тапты.
