Шымкентте жолаушылар мінген автобус аударылып, бір адам мерт болды, сондай-ақ 13 адам зардап шекті, деп хабарлайды ҚазАқпарат.
Қалалық денсаулық сақтау басқармасы баспасөз қызметінің мәліметінше, жол көлік оқиғасы таңғы сағат сегіздер шамасында Байтереков көшесі мен Астана даңғылы бойында болған. №40-шы автобус жеңіл көлікпен соғысып, аударылып қалған.
"Жол апатынан зардап шеккендерге оқиға орнында 5 жедел жәрдем бригадасы шұғыл медициналық қызмет көрсетуде. Оқыс жағдайдан 13-адам зардап шеккен. Олардың үшеуі – балалар, тоғызы – ересектер. Зардап шеккендерді жедел жәрдем қызметкерлері шұғыл түрде ауруханаға жеткізуде. Өкінішке қарай, жол апатынан ауыр жарақат алған бір әйел оқиға орнында көз жұмды" – делінген хабарламада.