20 қазанда сағат 22:19-да ПД Жедел басқару орталығына 55 жастағы әйел мен бес жасар балаға оқ атылғаны туралы хабар келіп түсті, деп хабарлайды Zakon.kz елордалық ПД баспасөз қызметіне сілтеме жасап.
Полиция қызметкерлері отбасылық жанжал кезінде әйелді мас күйде болған 59 жастағы күйеуі атып тастап, баласын (басқа некеден туған) жарақаттағанын анықтады.
Мылтықтан алған жарақаттан әйел қайтыс болды, бала ауруханаға жеткізілді.
- Бұл факті бойынша сотқа дейінгі тергеу басталды. Күдікті ұсталып, Нұр-Сұлтан қалалық ПД-нің уақытша ұстау изоляторына қамалды, - деді Нұр-Сұлтан ПД баспасөз қызметінің жетекшісі София Қылышбекова.
