Ұлыбританияда жүк көлігінен табылған 39 адамның барлығы Қытай азаматтары болып шықты, деп хабарлайды РИА Новости ITV-ге сілтеме жасап.
Кісі мәйіттері бір күн бұрын Грейс қаласындағы индустриалды парктердің бірінен табылды. Жүк машинасында барлығы 38 ересек пен бір жасөспірімнің мәйіті болған.
Эссекс округінің полициясы жүк көлігі Грейске Болгариядан Холихед порты арқылы келді, ол жерге Ирландия паромдары келеді деп болжайды. Кісі өлтірді деген күдікпен көлік жүргізушісі - 25 жастағы Солтүстік Ирландия тұрғыны ұсталды.
Болгария СІМ көліктің Болгарияда тіркелгенін растады.