Павлодарда бала күтуші өзі жұмыс істейтін отбасын тонап кетті, деп хабарлайды Zakon.kz Павлодар облысы полиция департаментінің баспасөз қызметіне сілтеме жасап.
Павлодар тұрғыны баласына қарау үшін күтуші іздеп, арнайы агенттіктерге хабарласқан. Сөйтіп 33 жастағы әйелді жұмысқа алған.
Бұл отбасында күтуші бір айдан астам уақыт жап-жақсы жұмыс істеген, оның жұмысына отбасының шағымы болмаған.
Бірақ бір күні әйел үй иесінің жоқтығын пайдаланып, 1000 доллар мен 500 евросын үптеп кеткен. Полиция бұл ұрлықты жасады деген күдікпен күтушіні ұстады. Әйелдің айтуынша, ол ақшаны несиені жабу үшін жұмсаған. Аталған факті бойынша ҚР Қылмыстық кодексінің 188-бабы бойынша сотқа дейінгі тергеу ісі қолға алынды.