Көлік қаққан баланың туыстары оқыс оқиға куәгерлеріне іздеу салып жатыр, деп хабарлайды zakon.kz.
Ата-анасының айтуынша, 29 қараша күні таңертеңгі сағат 08:20 шамасында №1 мөлтек аудандағы №111 гимназия-мектебінің жанында 37Б / 1 үйдің кіреберіс алдында көлік 6-сынып оқушысын қаққан.
- Оқушыны қаққан көліктің жүргізушісі тоқтамай, қашып кеткен. Бала өзін қаққан қара джип екенін, рөлде ер адам отырғаны есінде екенін айтты, бірақ нөмірін бажайлап көре алмаған. Баланың миы шайқалып, денесі көптеген жерінен жарақат алған. Ол балалар ауруханасына жатқызылды. Арыз жазылып, іс қозғалды. Бала өзінің жанында сол кезде №111 гимназияның оқушысы болғанын, бірақ оны жекелей танымайтынын айтады. Сол секілді оқыс оқиға болған кезде сол маңда бірнеше ересек адам да болған. Мүмкін солардың біреу көліктің нөмірін есте сақтап қалған шығар, не болмаса басқа да деректері бар болса баланың ата-анасы өздеріне хабарласуды сұрайды. Анасы Жазира - 87058600059; әкесі Асқар - 87073422403, - дейді өтініп анасы.
