Құмкөл - Қызылорда тас жолында болған апат туралы ресми ақпарат анықталды, деп хабарлайды zakon.kz.
Қызылорда облыстық полиция департаментінің баспасөз қызметі 3 желтоқсанда сағат 4.30 шамасында осы өңірдегі Құмкөл кен орнынан Шымкент қаласына кетіп бара жатқан "South Oil" ЖШС автобусы жол-көлік оқиғасына ұшырағанын хабарлады.
Алдын ала мәліметтер бойынша, автобус ішінде 35 адам болған.
- Қазіргі уақытта алты адам қайтыс болып, 22 адам жарақат алғаны белгілі. Оқиға орнында полиция, жедел және медициналық қызметкерлер шұғыл жеткен. Апатқа жол ережесінің бұзылуы және көктайғақтың себеп болуы мүмкін. ҚР Қылмыстық кодексінің 345-бабының 4-тармағы, яғни "Көлік құралын басқарған адамның жол ережелерін немесе көлік құралдарын пайдалану ережелерін бұзуы" бойынша сотқа дейінгі тергеу басталды. Тиісті сараптамалар тағайындалды, - дейді полициядағылар.