Сыбайлас жемқорлыққа қарсы қызмет бұған дейін Шымкенттің Қаратау ауданындағы Мемлекеттік кіріс басқармасының жетекші маманы Ш. Пернеевке байланысты "сыбайлас жемқорлық қылмыс жасады" деген күдікпен қолға алынған сотқа дейінгі тергеуді аяқтады, деп хабарлайды zakon.kz.
"Ол алаяқтық жолмен ЖШС басшысына тиесілі 5 миллион теңге тұратын Toyota Land Cruiser 100 автокөлігін иемденген. Оның орнына ЖШС банкроттығын растау процедурасында қолдау көрсетуге уәде еткен", - делінген хабарламада.
23 желтоқсанда Шымкент қаласының Абай аудандық сотының үкімімен Ш.Пернеевке 3,5 жыл мерзімге бас бостандығынан айыру жазасы тағайындалып, мемлекеттік қызметте жұмыс істеу құқығынан айырылды.
